७ मंसिर, जनकपुरधाम । सप्ताहव्यापी सीताराम विवाह पञ्चमी महोत्सवको चौथो दिन आज तिल्कोत्सव मनाइएको छ । तिल्कोत्सवमा जानकी मन्दिरबाट एकहजार एक भार लिएर साधुशन्त राममन्दिरमा पुगेर तिल्कोत्सव मनाइएको हो ।
विवाह हुनु अघि बेहुली पक्षले बेहुला अर्थात बरलाई भार लिएर पुगि तिल्काउने (टीकाटालो) गर्ने विधिलाई तिल्कोत्सव भनिन्छ ।
दहीचिउरा, खिरपुरी, विभिन्न मिठाई, फलफूल, लत्ताकपडासहित १ हजार १ भार जानकी मन्दिरबाट बाजागाजासहित साधुशन्त जनकपुरकै राम मन्दिरमा पुगेर तिल्कोत्सव गरिएको हो ।
भारको नेतृत्व अर्थात राजा जनकको भूमिकामा जानकी मन्दिरका सहमहन्त रामरोशन दासले गरेका थिए ।
तिलकोत्सवमा धनवट्टी पनि गर्ने गरिन्छ ।
सप्ताहव्यापी विवाह पञ्चमी महोत्सवको तेस्रो दिन जनकपुर ऐतिहासिक रंगभूमि मैदान १२ बिघामा धनुष यज्ञ मनाइएको थियो ।
भोलि पाँचौ दिन सोमबार राम र जानकीको मटकोर, मुख्य दिन मंगलबार जानकी र भगवान रामको विवाह र बुधबार रामकलेवा गरी विवाह पञ्चमी महोत्सव सम्पन्न हुने छ ।
४ मंसिरदेखि सुरु भएको विवाह पञ्चमीको पहिलो दिन नगरदर्शन, दोश्रो दिन ५ मंसिरमा फूलवारी लिला सम्पन्न भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for sale at Tikathali")
.jpg "Apartment for rent in Grande Tower")
.jpg "Luxurious House on sale at Ochu Height, Imadol")
प्रतिक्रिया 4