२२ फागुन, काठमाडौं । विश्वकप छनोट फुटबलमा भारतसँगको खेलका लागि लागि नेपाली टीमको घोषणा भएको छ ।
अखिल नेपाल फुटबल संघ एन्फाले शुक्रबार पत्रकार सम्मेलन गरी नेपाली टीमबारे जानकारी गराएको हो । नेपाली टोली शनिबार कोलकत्ता प्रस्थान गर्नेछ ।
सन् २०१८ को विश्वकप र २०१९ को एसियन कपको प्रारम्भीक छनोट चरणको खेलमा अब नेपालले मार्च १२ अर्थात फागुन २८ गते भारतको गुहाटीमा भारतसँग खेल्दैछ । होम गेम भने १७ तारिखमा दशरथ रंगशालामा हुनेछ ।
नेपाली टोलीमा गोलरक्षकमा किरण चेम्जाङसागै रितेश थापा र विकेश कुथू छन् । डिफेन्समा कप्तान सागर थापासँगै, सन्दिप रार्इ, विराज महर्जन, रविन श्रेष्ठ, रन्जित धिमाल, दिनेश राजवंशी र अनन्त तामाङ छन् ।
मिडफिल्डमा जगजित श्रेष्ठ, भोला शिलवाल, राजु तामाङ, विक्रम लामा, शिव श्रेष्ठ, विशाल राई बी र हेमन गुरुङ छन् ।
नेपाली टोलीको फवार्डमा अनिल गुरुङ, जुमानु राई, सन्तोष साहुखल, भारत खवास, विमल घर्तीमगर र अन्जन विष्ट छन् । विमलसँगै अन्जन, अनन्त र दिनेश यू-१७ का हुन् ।
यो पनि पढ्नुस्