१७ असार, काठमाडौं । लक्ष्मी बैंकले काभ्रेको बनेपामा मुख्य कार्यालय रहेको १० जिल्ले प्रोफेशनल दियालो विकास बैंकलाई किन्ने (एक्वायर) गर्ने भएको छ ।
एक्वायरसम्बन्धी सम्झाैतापत्रमा लक्ष्मी बैंकका अध्यक्ष शम्भुप्रसाद आचार्य र प्रोफेशनल दियालोका अध्यक्ष लोकराज पन्तले हस्ताक्षर गरेका छन् ।
सैद्धान्तिक सहमतिका लागि आइतबार राष्ट्र बैंक जाने योजना छ । एक्वायरपछि बैंकको वासलाता आकार तथा शाखा सञ्जालमा बृद्धि हुने बैंकले जनाएको छ ।
लक्ष्मी बैंकको हाल ३ अर्ब ३ करोड रुपैंया चुक्ता पूँजी छ । हकप्रद जारी गरेपछि चुक्ता पूँजी ६ अर्ब ६ करोड रुपैंया पुग्नेछ । प्रोफेशनल दियालो बैंकको चुक्ता पुँजी २४ करोड रुपैयाँ रहेको छ । एक्वायरपछि बैंकको चुक्ता पुँजी साढे ६ अर्ब रूपैयाँ पुग्नेछ ।
