१३ असोज, काठमाडौं । भारतले पाकिस्तानी भूमिमा प्रवेश गरेर ‘आतंकवादी’लाई मारेको बताएको छ । पाकिस्तानले भने आफ्ना दुई सैनिक मारिएको बताएको छ ।
यससँगै १७ भारतीय सैनिकको ज्यान जाने गरी उरी आक्रमणबाट बढेको भारत पाकिस्तानको तनाव थप चर्किएको छ ।
भारतीय सेेनाका अनुसार नियन्त्रण रेखा नजिकै चरमपन्थीमाथि सर्जिकल स्ट्राइक्स गरिएको हो । विदेश मन्त्रालयको पत्रकार सम्मेलनमा लेफि्टनेन जनरल रणवीर सिंहले भने, यो बुधबार राति भएको हो । जब आतंकवादी नियन्त्रण रेखामा जम्मा भएका थिए ।’
उनका अनुसार आतंकवादीको लञ्च प्याडमा भारतीय सेनाले सर्जिकल स्ट्राइक गरेको थियो । यसबाट आतंकवादीहरुलाई ठूलो क्षति पुगेको र अपरेशन सकिएको बताएको छ ।
आफ्नो रक्षाका लागि तयार छौंः पाकिस्तान
डन न्यूजका अनुसार यो घटनामा चरमपन्थी होइन, दुई पाकिस्तानी सैनिकको मृत्यु भएको छ ।
पाकिस्तानी प्रधानमन्त्री नवाफ शरीफले यसलाई ‘भारतको खुला अत्याचार’ भनेको पीटीबीले जनाएको छ । उनले आफ्नो रक्षाका लागि पाकिस्तान तयार रहेको बताए ।
