रिपोर्टर्स क्लब नेपालले सोमबार आयोजना गरेको साक्षात्कार कार्यक्रममा बोल्दै नेता महतले निर्वाचन आचारसंहिताका कारण पनि बजेट कामचलाउ मात्रै ल्याउनुपर्ने बताएका हुन् ।
‘निर्वाचन आचारसंहिताका कारण पनि नीति तथा कार्यक्रम बाँधिएको छ,’ उनले भने,’अहिले भएका कार्यक्रमहरुलाई निरन्तरता दिने हो, भएका कार्यक्रमहरुलाई कार्यान्वयन गर्नेतिर जोड दिनुपर्छ ।’
पूर्वअर्थमन्त्री समेत रहेका डा. महतले यो पटकको बजेटमा भुकम्पपछिको पूर्नःनिर्माणमा भने विशेष ध्यान दिनुपर्ने बताए ।
नेता महतले सरकारले ल्याउने काम चलाउ बजेटमा नयाँ कर लगाउन नसक्ने समेत स्पष्ट पारे ।
त्यस्तै उनले प्रधानमन्त्री पुष्पकमल दाहाल प्रचण्डले कांग्रेससँग भएको भद्र सहमति अनुसार मंगलबारसम्म राजिनामा दिने विश्वास लिएको बताए ।
‘उहाँले राजिनामा दिनुहुन्छ, हुन त चैत्र मसान्तभित्रै राजिनामा दिने कुरा थियो तर पहिलो चरणको निर्वाचन बैशाख ३१ गते भएकोले बैशाख मसान्तभित्रै राजिनामा दिने कुरा भया, उनले भने, ‘अहिले ४ गते दिने भनियो, फेरि ८ गते भनिएको थियो तर, अहिले किन ढिला भैरहेको छ, मैल बुझेको छैन ?’