शुक्रबार, ६ साउन, २०७४
OnlineKhabar.com

शहरका चोकचोकमा भानुभक्त ! (फोटो फिचर)

बिकास श्रेष्ठ

२८ असार, काठमाडौं । भनिन्छ, आदिकवि भानुभक्तले ‘नाम् केही रहोस् पछि भनी’ घाँसीबाट प्रेरणा लिएका थिए । आज २ शताब्दीपछि पनि उनको ‘नाम’ स्मरण गर्दै आएको छ, नेपाली समाजले । खासगरीे भानु जयन्तीमा देखिने तामझामले भानुभक्तलाई व्युँत्याएको भान हुन्छ, बर्षैपिच्छे ।

भानु जयन्ती बकाइदाको हुनेगर्छ । यस अवसरमा बालबालिकालाई भानुभक्तको ‘गेटअप’मा दुरुस्तै उतारिन्छ । हातमा रामयण थमाइन्छ । लाग्छ, आदिकवि ‘कान्तिपुरी नगरी’ सयर गर्न आइपुगेका छन् ।

भानुभक्तलाई सम्झनका लागि काठमाडौंमा मात्र होइन, देशभर र विदेशमा समेत यस्तै काइदा अपनाइने गर्छ । यो तामझामले भानु जयन्तीको रौनक अरुभन्दा भिन्न हुनेगर्छ ।

आज भानु जयन्ती । चोक-चोकमा दौरा-सुरुवाल, कालो बिर्खे टोपी र सेतो पटुकीमा चिरिच्याट्ठ रामायणधारी भानुभक्तहरु निस्किएका छन् । भानुभक्त र घाँसीको प्रेरणादायी कथा स्मरण गराउने र्‍यालीले भानुजयन्तीलाई शोभयामन तुल्याएका छन् ।

नेपाली साहित्यका प्राथमिक कालका प्रतिनिधि कवि हुन्, भानुभक्त जसले वाल्मीकि रामायणलाई अनुवाद गरेका थिए । भानुभक्तका प्रश्नोत्तर, भक्तमाला, वधूशिक्षा कृतिहरु चर्चित छन् । उनको जन्म तनहुँको रम्घामा भएको थियो, आजभन्दा २ सय ३ बर्षअघि ।

२०७४ असार २९ गते ११:३५ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
२ प्रतिकृयाहरू प्राप्त
  • sandip लेख्नुहुन्छ    |   २०७४ असार २९ गते ११:४७

    It too good to make statu of bhanubhakta…..

    17
    1
    Share

  • Pramod Giree लेख्नुहुन्छ    |   २०७४ असार २९ गते १८:२८

    It is good to see that our new generation are giving the respect for our legend Late Bhanubhakta Acharya. We have give respect and need to celebrate his Special Day for long and long period. We cant forget him. We cant forget his dedication for Nepali Language and Nepali Society. Long Live Bhanubhakta Achrya.

    Respect and Salute !

    Jay Nepali Bhasha !
    Jay Nepal….!!

    6
    1
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this