५ माघ, काठमाडौं । एमाओवादी महासचिव कृष्णबहादुर महराले शीर्ष नेताको छलफल जारी रहेको भन्दै सहमतिको सम्भावना टाढिन थालेको बताएका छन् ।
सोमबार सभाध्यक्ष सुवास नेम्वाङको पहलमा भएको शीर्ष नेताको बैठकमा सहभागी एमाओवादी नेता महराले अनलाइनखबरसँग भने- ‘सहमतिको सम्भावना अझै देखिएन, भोलिको नेपाल बन्द यथावत रहने छ ।’
तर, चारदलीय छलफल र सहमतिको प्रयास भने जारी रहेको महराले बताए ।
यसअघि एमाले उपाध्यक्ष विद्या भण्डारीले पनि आइतबारको भन्दा आज ठोस प्रगति भइनसकेको प्रतिक्रिया दिएकी थिइन् ।
