२२ माघ, काठमाडौं । प्रश्नावली प्रस्ताव निर्माण समिति गठन भएपछि आज (बिहीबार) संविधानसभा बैठक बस्दैछ ।
दिउँसो एक बजे बस्ने बैठकमा संविधान लेखनका विवादित विषय समेटिएको प्रश्नावलीको अपूरो प्रतिवेदन पेश गर्ने कार्यसूची छ । निर्धारित समयसीमा भित्र काम नसकेको समितिलाई संविधानसभाले थप पाँच दिन समय दिने तयारी समेत गरेको छ ।
बुधबार बसेको समितिको बैठकले थप पाँच दिन समय माग्ने निर्णय गरेको थियो । यही माघ ११ गते बसेको संविधानसभा बैठकले १० दिनको समय भित्र प्रश्नावली तयार पार्न समितिलाई जिम्मेवारी दिएको थियो ।
थप समय पाएपछि संविधानका विवाद मतदानबाट टंुगो लगाउन सबै असहमतिका विषयमा प्रश्नावली तयार पार्ने प्रस्ताव निर्माण समिति अन्तर्गतको उपसमिति संयोजक अग्नी खरेलले जानकारी दिए ।