३ चैत, काठमाडौं । इटालियन सिरी एमा लिग लिडर युभेन्टसले अप्रत्यासित हार व्यहोरेको छ ।
आइतबार भएको खेलमा जिनोवाले युभेन्टसलाई २–० गोल अन्तरले हराएको हो ।
घरेलु मैदानमा भएको खेलमा जिनोवाले दुबै गोल दोस्रो हाफको अन्त्यतिर गरेको थियो । ७२ औं मिनेटमा स्टुरारो र ८१ औं मिनेटमा गोरान पाण्डेभले गोल गरेका थिए ।
हारका बाबजुद युभेन्टस २८ खेलबाट ७५ अंकका साथ शीर्ष स्थानमा छ भने दोस्रो स्थानमा रहेको नापोलीले २७ खेलबाट मात्र ५७ अंक बनाएको छ ।
