२० माघ, काठमाडौं । नेपाल रेडक्रस सोसाइटीले काभ्रेपलाञ्चोक जिल्लाका विभिन्न गाविसमा भूकम्पबाट क्षतिग्रस्त स्वास्थ्य चौकीका भवन पुनर्निर्माण गर्ने भएको छ ।
कोरिएन रेडक्रसको सहयोगमा नेपाल रेडक्रस सोसाइटीले प्रिफ्याव स्थास्थ्य चौकी भवन निर्माण गर्न लागेको हो ।
भूकम्पबाट क्षतिग्रस्त भएका काभ्रेपलाञ्चोक जिल्लाका ३४ स्वास्थ्य चौकी भवनमध्ये ज्याम्दी मण्डन, सानो वाङ्थली, खरेलथोक, गोठपानी, पोखरी चौरी, वाल्टिङ, रविओपी, रयाले, महेन्द्रज्योति, चण्डेनी मण्डन, बनखु र फलामेटार गरी १२ गाविसमा स्वास्थ्यचौकी भवन निर्माण गर्न लागिएको नेपाल रेडक्रस सोसाइटी काभ्रेपलाञ्चोक च्याप्टरका सभापति रघुवर चौ प्रधानले जानकारी दिए ।