१३ चैत, काठमाडौं । बेल्जियमको राजधानी ब्रसेल्सको अन्तराष्ट्रिय विमानस्थल मंगलबारभन्दा अगाडि नखुल्ने भएको छ ।
अधिकारीहरुका अनुसार एयरपोर्ट टर्मिनलमा न्यायिक जाँचसँग जोडिएको काम पुरा भइसकेको छ । तर, यात्रुहरुसँग जोडिएका गतिविधि मंगलबार अघि सुरु हुने छैन ।
ब्रसेल्सको जेन्वेटम एयरपोर्टमा २२ मार्चमा आत्मघाती आक्रमण भएको थियो । त्यही दिन मेट्रो स्टेशनमा पनि आक्रमण भएको थियो । दुबै आक्रमणमा परी ३१ जनाको मृत्यु भएको छ ।
आक्रमणपछि पहिलो पटक एयरपोर्ट इन्जिनियर र प्रविधिका जानकारहरुको टीमलाई विमानस्थलमा जाने अनुमति दिइएको छ । यो टिमले टर्मिनलमा भएको क्षति र भवनको अवस्थाबारे अध्ययन गर्नेछ ।
साथै एयरपोर्टमा नयाँ सुरक्षा व्यवस्था गरिनेछ ।
आक्रमणका क्रममा एयरपोर्टको चेक-इन एरियामा ठूलो क्षति भएको छ । डीएनए टेष्टबाट आक्रमणकारीको पहिचान नजिम लाकरावी र ब्राहीम अल बकरावीका रुपमा गरिएको छ ।
