८ चैत, बिराटनगर । साफ महिला च्याम्पिनसीपको उपाधि उचाल्ने नेपालको सपनामा फेरि एक पटक भारत बाधक बनेको छ ।
विराटनगरको शहिद रंगशालामा शुक्रबार भएको फाइनलमा नेपाललाई ३-१ गोल अन्तरले हराउँदै भारतले पाँचौ. पटक उपाधि जितेको हो । भारतसँग फाइनलमा नेपालको यो चौथो हार हो ।
घरेलु दर्शकको राम्रो साथ पाएको नेपालले सुरुदेखि नै आक्रामक खेल प्रस्तुत गरेको थियो । तर, २३ औं मिनेटमा भारतकी डालिमा छिब्बरले फि्रकिकमा उत्कृष्ट गोल गरिन् ।
त्यसको १० मिनेटपछि साबित्रा भण्डारीले गोल गर्दै घरेलु टोलीलाई फेरि खेलमा फर्काइन् ।
त्यसअघि १३औं मिनेटमा सावित्रा भण्डारीले दिएको पासलाई मञ्जलीकुमारी योञ्जनले प्रहार गरेको बल गोलकिपर आदिती चौहानले बचाएकी थिइन् । १९औं मिनेटमा सावित्राले प्रहार गरेको बल पोष्ट नजिकैबाट बाहिरिएको थियो । पहिलो हाफको अतिरिक्त समयमा नेपालले गोल गर्ने राम्रो अवसर खेर फाल्यो ।
तर, दोस्रो हाफमा नेपालको प्रदर्शन राम्रो हुन सकेन । नेपालले ६३औं मिनेटमा दोस्रो गोल खान पुग्यो । भारतकी ग्रेस दाङमेले किपरलाई विट गर्दै गोल गरिन् । यससँगै नेपाल दबावमा आयो ।
खेलको ७८औं मिनेटमा अन्जु तामाङले गोल गर्दै भारतको जित सुनिश्चित गरिन् ।
