२ जेठ, काठमाडौं । नेपाली सेनाका सहयक रथी शरदकुमार गिरी उपरथीमा बढुवा भएका छन् ।
आइतबार सैनिक मुख्यालयमा आयोजित कार्यक्रममा प्रधानसेनापति राजेन्द्र क्षत्रीले गिरीलाई उपरथीको दर्ज्यानी चिन्ह प्रदान गरेका हुन् ।
गत बिहीबार बसेको मन्त्रीपरिषद बैठकले गिरीलाई उपरथीमा बढुवा गर्ने निर्णय गरेको थियो । मन्त्रीपरिषदकै निर्णय अनुसार उनले उपत्यका पृतना प्रमुखको रुपमा जिम्मेबारी संहाल्नेछन् ।
त्यस्तै आजै आयोजित कार्यक्रममा मन्त्रीपरिषदको निर्णयबाट बढुवामा परेका महासेनानीहरु ताराध्वज पाण्डे, विनोद पाण्डे, निरञ्जन कुमार श्रेष्ठ र अशोक सिग्देललाई सहायक रथीको दर्ज्यानी चिन्ह प्रदान गरिएको छ ।