२८ असार, काठमाडौं । बाग्लुङमा जीप दुर्घटना हुँदा एक महिलाको मृत्यु भएको छ ।
दुर्घटनामा अन्य १६ यात्रु घाइते भएका छन् । मृत्यु हुनेमा सिगाना ८ की २५ वर्षीय सुनिता नेपालीको ज्यान गएको छ ।
ध १ ज ६८ नम्बरको जीप बाग्लुङ नगरपालिका ५ सालेदिखोला नजिकै सडकबाट झन्डै सय मिटर तल खसेको थियो । जीप रुखमा भुन्डिएको प्रहरीले जनाएको छ ।
दुर्घटनामा गम्भिर घाइने भएका ६ जनालाई उपचारको लागि पोखरा पठाइएको छ भने अन्य घाइतेको स्थानीय मेडिकलहरुमा उपचार भइरहेको छ । दुर्घटनाका कारणबारे अनुसन्धान भइरहेको प्रहरीले जनाएको छ ।
