३२ साउन, काठमाडौं । नेपाल विद्यार्थी संघको अध्यक्षका लागि सात जनाको उम्मेदवारी परेको छ । निर्वाचन समितिका अनुसार उम्मेदवारी दर्ताको समय केहीबेरमै सकिनेछ ।
अध्यक्षका लागि शेरबहादुर देउवा र गगन थापा-प्रदिप पौडेल समूहबाट नयनसिंह महरको उम्मेदवारी परेको छ ।
रामचन्द्र पौडेल समूहबाट दुई जनाको उम्मेदवारी परेको छ । मनोजमणि आचार्य र आनन्दप्रसाद त्रिपाठीको उम्मेदवारी परेको छ । आचार्यलाई रामचन्द्र पौडेल लगायतको समर्थन छ भने त्रिपाठीलाई नेता शेखर कोइरालाले समर्थन गरेको छ ।
यस्तै शुभराम बस्नेत, बचन कार्की, नगेन्द्रसिंह ठकुरी र लक्ष्मण आचार्यको पनि अध्यक्षमा उम्मेदवारी परेको छ ।
महामन्त्रीमा पाँच जनाको उम्मेदवारी परेको छ । राजेश ज्ञवाली, कुन्दन काफ्ले, सरोज थापा, हिमाल दत्त श्रेष्ठ र दिपक भट्टको उम्मेदवारी परेको छ । कोषाध्यक्षमा चार जनाको उम्मेदवारी परेको निर्वाचन समितिले जनाएको छ ।
