क्वालम्पुर । बैदेशिक रोजगारीका क्रममा मलेसियामा रहेका एक नेपाली सम्पर्कबिहीन भएको २८ दिनपछि मृत फेला परेका छन् ।
सुर्खेत काफलकोट गाविस वडा नम्बर ३ घर भइ मलेसियाको निलाईमा रहेको एक इलेट्रोनिक्स कम्पनीमा कार्यरत डिल्लीराज वुढाको शव निलाइको वन्दरवारु विपिएमको जंगलमा फेला परेको हो ।
सोहि कम्पनीमा कार्यरत मृतकका भतिज मानवहादुर वुढाका अनुसार शव चिन्ने नसक्ने अवस्थामा रहेको छ ।
‘विभिन्न प्रमाणहरुको आधारमा मात्र ठम्याउन सकें’, उनले अनलाइनखवरसँग भने ‘अंकलले प्रयोग गरेको मोवाइल, पैसा, साँचोहरु सवै स्थानीय प्रहरी कार्यालयमा सुरक्षित रहेको छ ।’
मृतकको शव अहिले सेरेम्वान अस्पतालमा राखिएको छ । शवलाई नेपाल पठाउनको लागि पहल भैरहेको भतिजा मानबहादुरले जानकारी दिए ।
यो पनि पढनुहोस्