२ कात्तिक, काठमाडौं । राप्रपा नेपालका अध्यक्ष कमल थापाले मानसरोवर भ्रमणको क्रममा तिब्बत सरकारका उपाध्यक्ष टासी पेम्बासँग भेटवार्ता गरेका छन् ।
पूर्व गृह तथा उपप्रधानमन्त्री थापा पाँच दिन अघि कैलाश मानसरोवर भ्रमण गर्न तिब्बत गएका थिए । उनी मंगलबार स्वदेश फर्किएका छन् ।
भ्रमणका क्रममा थापाले स्वशासित क्षेत्र तिब्बत सरकारका उपाध्यक्ष टासी पेम्बा शिष्टाचार भेट गरेको केन्द्रीय सदस्य राजाराम बर्तौलाले जानकारी दिए । अध्यक्ष थापाको सम्मानमा उपाध्यक्ष पेम्बाले रात्रि भोज पनि आयोजना गरेका थिए ।
थापाले तिब्बतका अन्य नेताहरुसँग पनि भेटघाट गरेका थिए ।
तिब्बत भ्रमणमा अध्यक्ष थापाका परिवारसहित पार्टीका कोषाध्यक्ष उद्धव पौडेलको सहभागीता थियो ।