५ कात्तिक, चितवन । भारतीय नम्बर प्लेटको ट्रकले ठक्कर दिँदा मुग्लिनमा पैदल यात्रुको मृत्यु भएको छ ।
पोखराबाट सुनौलि तर्फ आउँदै गरेको आर.जे. ०२ जि.ए.७१५८ नम्बरको भारतीय मालबाहक ट्रकले गएराति मुग्लिन चोकमा (बिहिबार) साढे ९ बजे ठक्कर दिँदा उनको घटनास्थलमै मृत्यु भएको हो ।
मृतकको परिचय खुल्न नसकेको जिल्ला प्रहरी कार्यालय चितवनले जनाएको छ । मृतकको शव पोष्टमार्टमका लागि भरतपुरस्थित सरकारी अस्पतालमा राखिएको छ ।
ठक्कर दिने ट्रक र चालक इलाका प्रहरी कार्यालय मुग्लिनको नियन्त्रणमा रहेको र अनुसन्धान भईरहेको प्रहरीले जनाएको छ ।
