२०७५ चैत ८ गते १५:५८ 
८ चैत, विराटनगर । साफ च्याम्पियनसिप फुटबलको फाइनलमा सावित्रा भण्डारीको गोलसँगै नेपालले भारतसँग १–१ को बराबरी गरेको छ । जुन गोलले सावित्रा नेपाली महिला फुटबलको इतिहासमै उच्च गोलकर्ताको दोस्रो स्थानमा पुगेकी छिन् ।
२२ वर्षकी सावित्राको राष्ट्रिय टिमका लागि २७ खेलबाट यो २६ औं गोल हो । उनले २०१४ मा पाकिस्तानमा भएको साफ च्याम्पियनसिपमा भुटानसँगको खेलमा राष्ट्रिय टिमबाट डेब्यु गरेकी थिइन् । नेपालका लागि सावित्राभन्दा अघि अनु लामाले २८ खेलमा ३५ गोल गरेकी छिन् ।
साथै सावित्रा प्रतियोगिताकै सर्वाधिक गोलकर्ता बनेकी छिन् । उनले अहिलेसम्म चार गोल गरेकी छिन् । यस्तै भारतकी इन्दुमतिले पनि प्रतियोगितामा चार गोल गरिसकेकी छिन् ।
२६ मिनेटमा भारतकी डालिमा छिपरले फ्री किकमार्फत गोल गर्दै बनाएको अग्रता ३३ औं मिनेटमा हेडिङ गोलमार्फत सावित्राले बराबरी गरेकी हुन् । पहिलो हाफसम्म खेल १–१ गोलको बराबरी रहेको छ ।
प्रतिक्रिया 4