२०८२ वैशाख २५ गते २२:३३ 
२५ वैशाख, काठमाडौं । आईसीसी विश्वकप लिग २ क्रिकेटमा बिहीबार यूएईले स्कटल्याण्डमाथि फराकिलो जित दर्ता गरेको छ ।
यूएईले स्कटिश टिमलाई ९७ रनले हराउँदै लिग २ मा तेस्रो जित निकालेको हो । यूएईले दिएको २९७ रनको लक्ष्य पछ्याएको स्कटल्याण्ड ४३.३ ओभरमा १९९ रनमा अलआउट भयो ।
यस जितपछि १४ खेलबाट ६ अंक जोडेको यूएई र नेपालको अंक बराबरी भएको हो । नेपालको १२ खेलमा ६ अंक छ र नेटरनरेटमा अगाडि छ ।
नेपालले आउँदो जुनमा स्कटल्याण्डमा गएर चार खेल खेल्ने तय छ ।
यस लिग २ साइकलमा सबै टोली ३६ खेल खेल्छन् । एकदिवसीय विश्वकप छनोटको आधार पनि रहेको यस लिग एकदिवसीय मान्यता कायमै राख्न र विश्वकप छनोटमा पुग्न महत्वपूर्ण हुन्छ ।
*यसअघि नेटरनरेटमा नेपाल अगाडि हुनुपर्नेमा सच्याइएको छ
प्रतिक्रिया 4