४ फागुन, काठमाडौं । सर्वोच्च अदालतले डीआईजी नवराज सिलवालविरुद्ध परेको रिट खारेज गरेको छ ।
बैंकिङ कसुरको आरोपमा भीमफेदी जेलमा रहेका गुनबहादुर थापाका छोरा सागरले सिलवालविरुद्ध रिट दायर गरेका थिए । रिटमा प्रारम्भीक सुनुवाई गर्दै न्यायाधीश ईश्वरप्रसाद खतिवडाको इजलासले बुधबार रिट खारेज गरेको हो ।
सागरले भने सिलवाल मिटरब्याजी भएको र उनले आफ्नो मातहतका कर्मचारी प्रयोग गरेर आफ्ना बाबुलाई बैंकिङ कसुरको मुद्धामा थुनामा राखेको आरोप लगाएका थिए । साथै आफू र आफ्नो परिवारलाई धम्की, यातना र धरपकड नगर्न नगराउन अन्तरिम आदेश माग गरेका थिए ।