२९ असार काठमाडौं । नेपाल उद्योग वाणिज्य महासंघका वरिष्ठ उपाध्यक्ष शेखर गोल्छा र अन्तराष्ट्रिय मुद्रा कोषको एशिया प्रशान्त शाखाका उपप्रमुख जेरार्ड जे.आमकिन्डर्सको नेतृत्वमा नेपाल भ्रमणमा आएको कोषको प्रतिनिधिमण्डलबीच भेटवार्ता भएको छ ।
उक्त भेटवार्तामा नेपालको औद्योगिक, वाणिज्य, बैकिङ, कर, श्रम ऐन, कम्पनी ऐन, औद्योगिक व्यवसाय ऐनका बिषयमा छलफल भएको थियो । साथै नेपालमा लगानीको वातावरण, वैदेशिक लगानीका लागि नेपालले लिएको नीति लगायतका विषयमा पनि छलफल भएको उद्योग बाािणज्य महासंघले जनाएको छ ।
राजनीतिक रुपमा नेपालले निकै धेरै फड्को मारेपनि केही नीतिगत अस्थिरता, कमजोर पूर्वाधार तथा कतिपय क्षेत्रमा इच्छाशक्तिको अभावका कारण आर्थिक विकासले गती लिन नसकिरहेको महासंघले आइएमएफको टोलीलाई जानकारी गराएको थियो । साथै महासंघले दक्ष जनशक्ति अभाव मुख्य समस्या रहेको बताएको थियो ।
