१६ साउन, काठमाडौं । अबैध लागूऔषध कारोबारको अारोप लागेका फिलिपिन्सका एक मेयर प्रहरी कारबाहीमा मारिएका छन् ।
फिलिपिन्सको मिण्डानाओ आइल्याण्डको ओजामिज सिटीका मेयर रेनाण्डो पारोजिनोङ र उनकी पत्नीसहित १० व्यक्ति मारिएका थिए ।
अधिकारीहरुका अनुसार छापा मार्ने क्रममा मेयरका सुरक्षा गार्डले प्रहरी अधिकारीमाथि गोली चलाएका थिए ।
फिलिपिन्सका राष्ट्रपति रोडि्रगो डुटेर्टेले सन् २०१६ को जुलाईमा लागूऔषध माफियाहरुबिरुद्ध युद्धको घोषणा गरेयता ७ हजारभन्दा बढी अरोपीको मृत्यु भएको छ ।
अधिकारीहरुका अनुसार फिलिपिनी प्रहरी मेयर पारोजिनोङको पक्राउ पुर्जी बुझाउन उनको निवास पुगेका थिए, तर सुरक्षा गार्डले प्रहरीलाई रोकेनन् मात्रै, प्रहरीबिरुद्ध गोली नै चलाए ।
लागूऔषध कारोबारीसँग सम्बन्ध रहेको भन्दै मेयर पारोजिनोङ राष्ट्रपति रोडि्रगोको निशानामा परेका थिए । राष्ट्रपतिका प्रवक्ता अर्नेष्टो अवेलाले भनेका छन् कि तपाईहरुलाई याद नै होला, पारोजिनोङ गैरकानूनी लागूऔषध कारोबारमा सामेल मानिसहरुको सूचिमा थिए ।
पारोजिनोङका प्रवक्ताले भने आफ्नो तर्फबाट फायर खोलेको भन्ने आरोप निराधार भएको प्रतिक्रिया दिएका छन् । एकोहोरो गोली हानेरमा मेयरको हत्या गरिएको उनको भनाइ छ ।
मेयर पारोजिनोङसाथै उनका भाइपनि त्यस गोलीकाण्डमा मारिएका छन् । उनकी छोरी, जो शहरकी उपमेयर पनि हुन्, उनलाई भने पक्राउ गरिएको फिलिपिनी अधिकारीहरुले जनाएका छन् ।
