२ अगष्ट, टोकियो । गैरआवासीय नेपाली संघ एनआरएनए जापानले सार्वजनिक गरेको दोस्रो दिनमै उम्मेदवारी शुल्क घटाएको छ ।
एनआरएनए जापानकै इतिहासमा सबैभन्दा महंगो उम्मेदवारी शुल्क भएको भन्दै चौतर्फी बिरोध भएपछि एनआरएनए जापानले उम्मेदवारी शुल्क घटाएको हो । यसअघि एनआरएनए जापानले एक लाखदेखि ६ लाखसम्म उम्मेदवारी शुल्क तोकेको थियो ।
बुधबार टोकियोमा सम्पन्न जापानमा क्रियाशिल संघसंस्था र राजनितिक दलहरुको भेलामा उम्मेदवारी शुल्क घटाउन आएको चर्को दबावका कारण एनआरएनए जापानले शुल्क घटाउन बाध्य भएको एक अभियान्ताले बताए ।
एनआरएनए जापानको आठौं महाधिवेशन यही अगष्ट १३ तारिख हुँदैछ भने निर्वाचन सेप्टेम्बर ३ तारिखको लागि तय भएको छ ।
चर्को उम्मेदवारी शुल्क निर्धारणपश्चात सामाजिक सञ्जालमा आलोचना बढेको थियो । त्यस्तै उम्मेदवार धोषणा गरेका उम्मेदवारमा तरङ्ग ल्याएको थियो । तर, बुधबार नयाँ उम्मेदवारी शुल्क सार्वजनिक भएपछि पुन: उम्मेदवार घोषणा गर्नेहरुमा खुशी छाएको छ ।
विधुतीय प्रणालीबाट हुने निर्वाचनमा उम्मेदवारी शुल्क घटेपछि उम्मेदवारी दिनेहरुको सङ्ख्या बढ्ने धेरैको अनुमान छ ।
यस्तो छ निर्धारण गरिएको नयाँ उम्मेदवारी शुल्क
१) सदस्यः ७० हजार येन
२) सह-कोषाध्यक्ष: १ लाख येन
३) कोषाध्यक्ष: १ लाख २० हजार येन
४) सचिव: १ लाख ५० हजार येन
५) महासचिव: १ लाख ८० हजार येन
६) उपाध्यक्ष: २ लाख १० हजार येन
७) वरिष्ठ उपाध्यक्ष: २ लाख ५० हजार येन
८) अध्यक्ष: ३ लाख येन
९) आईसीसी सदस्य: ३ लाख ५० हजार येन
