आइतबार, १० असार, २०७५
Ruslan
OnlineKhabar.com
Suzuki

अनेसास कतारको छैटौ अधिबेशन सम्पन्न

Suzuki
अनलाइनखबर

१२ सेप्टेम्बर दोहा । अन्तर्राष्ट्रिय नेपाली साहित्य समाज कतार च्याप्टरको छैटौ अधिबेशन तथा १५२ औँ मोती जयन्ती र अनेसास नवोदित वाचन डबलीको ७३ औँ शृङखला एकै साथ सम्पन्न भएको छ ।

८ सेप्टेम्बर शुक्रबारका दिन दोहाको टप र्फम रेस्टुरेन्टको सभाहलमा सम्पन्न कार्यक्रम अनेसास कतार च्याप्टरका अध्यक्ष तीर्थ संगम राईको सभापतित्व तथा नेपाल पत्रकार महासंघ कतार शाखाका अध्यक्ष गणेश बन्जाडेको प्रमुख आतिथ्यमा भएको थियो ।

विशेष अतिथिहरुमा सन्ध्या ग्रूप अलखोरका अध्यक्ष वीरेन्द्र याक्थुम्बा, नवोदित साहित्यिक वाचनालय कतारका अध्यक्ष लेख कार्की तथा प्रवासी आदिवासी जनजाति महासंघ कतारका उपाध्यक्ष लिलाम चिदी मगर रहेका थिए ।

कतारमा रहेका थुप्रै साहित्यकार तथा साहित्य अनुरागीहरुको बाक्लो उपस्थिति रहेको सो कार्यक्रममा आमन्त्रित अथितिहरूलाई संस्थाका प्रथम उपाध्यक्ष श्यामराज रानाभाटले स्वागत गरेका थिए भने संस्थाका द्वितीय उपाध्यक्ष प्रेमप्रसाद भट्टराईले मोतीराम भट्टको जीवनी प्रस्तुत गरेका थिए ।

साहित्य वाचन सँगसँगै संचालन भएको कार्यक्रममा करिब डेढ दर्जन साहित्यकारहरूले आ-आफ्ना रचनाहरू वाचन गरेका थिए ।

रचना वाचन गर्नेहरुमा शेखर बस्नेत, दीप प्रदिप कुमार, टीका खड्का रास्टप्रेमी, निराजन लुइँटेल, चक्र कार्की , मणि पौडेल, सुनिता भण्डारी, बेचन महतो, राम सोगारथ यादब, केशब खनाल, रजक रायन, बसन्त भुजेल, स्वतन्त्र नेपाल, दीप मिलन, हरिबिनोद अधिकारी,सन्तोष अधिकारी,बिन्दा लामा आदि थिए ।

कार्यक्रममा उपस्थित विशिष्ट स्रोताहरु बिनोद खड्का, पबित्र खड्का, देविका के.सी. आदिले शुभकामना मन्तव्यसँगै आफ्ना रचनाहरु प्रस्तुत गरेका थिए ।

अनेसास कतारले आफ्नो दुई वर्षको कार्यावधिभरी भए गरेका क्रियाकलापहरुसहितको प्रगति विवरण सँस्थाका महासचिव सिताराम थापाले प्रस्तुत गरेका थिए भने संस्थाको आर्थिक विवरण कोषाध्यक्ष मणि पौडेलले प्रस्तुत गरेका थिए ।

बिलबहादुर गुरुङ संयोजक र सदस्यद्वय क्रान्ति सिंह र करिम बक्स मियाँ रहेको निर्वाचन टोलीले श्यामराज रानाभाटको अध्यक्षतामा २०१७-२०१९ को लागि निर्विरोध ११ सदस्यीय नयाँ कार्यसमिति गठन गरेका थिए ।

जसमा प्रथम उपाध्यक्ष प्रेमप्रसाद भट्टाराई, द्वितीय उपाध्यक्ष सिताराम थापा महासचिव मणि पौडेल, निराजन लुइटेल कोषाध्यक्ष भोला थापा सहकोषाध्यक्ष हरि अधिकारी तथा सदस्यहरूमा दीप मिलन, बिन्दा लामा , चक्र कार्की र सन्तोष अधिकारी रहेका छन् ।

राजेश्वर ढकाल र सिताराम थापा द्वयले सन्चालन गरेको कार्यक्रममा अनेसास कतारको इतिहास र साहित्यिक गतिविधिहरुको बारेमा चर्चा गर्दै संस्थाका अध्यक्ष तीर्थ संगम राईले कार्यक्रमको औपचारिक रुपमा समापन गरेका थिए ।

२०७४ भदौ २७ गते १७:१५ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this