वाह ! अब सबै एक साथ ।
स्पोट्र्सको पि्रय जोडी अझ आकर्षक बनेका छन् ।
सन् २००८ कि फ्रेन्च ओपन च्याम्पियन एना इभानोभिक र म्यान्चेस्टर युनाइटेड र बायर्न म्युनिखका पूर्व मिडफिल्डर बास्टियन स्वाइन्सटाइगरले आफूहरु बाबुआमा बन्न लागेको घोषणा गरेका छन् ।
उनीहरुले सन् २०१६ मा भेनिसमा बिहे गरेका थिए ।
सेतो रंगका तीन जोडी ठूला-साना साइजका जुत्ताको तस्वीर राख्दै इभानोभिकले लेखेकी छिन्, ‘हाम्रो परिवारमा एउटा सानो विस्तार । यहाँभन्दा बढि खुशी हुने ठाउँ छैन ।’
फ्यानहरुले जन्मिने बच्चाको नामाकरण पनि गर्न भ्याएका छन्- इभानोस्टाइगर । तर, उनी भोलि गएर फुटबलर बन्लान् कि टेनिस खेलाडी ? यो त भविष्यले नै बताउनेछ ।