४ फागुन, पोखरा । प्रदेश ४ को पहिलो मन्त्रिपरिषद् बैठकले उज्यालो प्रदेश अभियान घोषणा गरेको छ ।
मुख्यमन्त्री पृथ्वी सुब्बा गुरुङले शुक्रबार सपथ लिए लगतै रामशरण बस्नेतलाई उद्योग, पर्यटन, वन तथा वातावरणमन्त्री नियुक्त गरे ।
मन्त्रिपरिषद्को बैठकले प्रदेश ४ लाई उज्यालो प्रदेश बनाउन आगामी २ वर्षभित्र सबै गाउँ र वस्तीमा विद्युत सेवा पुर्याउने निर्णय गरेको छ ।
५ वर्षभित्र सुविधासम्पन्न सम्मेलन केन्द्र बनाउने तथा क्यान्सर, मुटु र मिर्गौला उपचार गर्ने अस्पताल सञ्चालन गर्ने पनि निर्णय लिएको छ ।
प्रत्येक स्थानीय तहको केन्द्रलाई प्रदशे राजधानीमा जोड्ने, आगामी २ वर्षमा प्रत्येक गाउँमा खोनेपानी सेवा पुर्याउने र स्थानीय तहसँग सहकार्य गरेर बहुसांस्कृतिक गाउँ स्थापना निर्णय भएको छ ।
प्रदेश सरकारको कारकारबाहीलाई छिटो छरितो चुस्त बनाउन विद्युतीय सुशासनमा जोड दिएइको मन्त्री बस्नेतले जानकारी दिए ।
प्रदेश मन्त्रिपरिषद्को बैठकले आगामी ५ वर्षमा प्रदेशमा सुविधासम्पन्न खेलमैदान बनाउने निर्णय पनि गरेको छ ।
