१० साउन, काठमाडौं । सातको अन्तिमदिन बिहीबार सेयर बजारमा झिनो अंकको गिरावट आएको छ । बिहीबार होटल समूहबाहेकका सबै समूहहरु राताम्मे देखिदा नेप्से परिसुचककमा ३ दशमलव १५ अंकको गिरावट आएको हो ।
१ हजार १ सय ९४ दशमलव ३७ अंकबाट शुरु भएको सेयर कारोबार ३ दशमलव १५ अंकको गिरावट आएसँगै नेप्से परिसुचक १ हजार १ सय ९१ दशमलव २० अंकमा आइपुगेको छ ।
कारोबार रकममा भने बुधबार भन्दा बिहीबार केही सुधार देखिएको छ । दिनभर भएका ३ हजार ४ सय ९१ कारोबारबाट ७ लाख ९२ हजार ५५ कित्ता सेयर किनबेच भएका छन् ।
जसअनुसार १९ करोड ३० लाख २८ हजार १ सय २४ रुपैयाँको सेयर कारोबार भएको छ । बुधबार १६ करोड रुपैयाँको सेयर किनबेच भएको थियो ।
