असोज १२ गतेबाट रिलिज हुन लागेको चलचित्र ‘अनुराग’को ‘तिम्रो स्वरमा स्वर मिलाई’ बोलको गीतको भिडियो रिलिज गरिएको छ ।
यो भिडियोमा चलचित्रका मुख्य कलाकार समुन्द्र पण्डितको कन्सर्टलाई देखाइएको छ । चलचित्रमा समुन्द्र सांगीतिक क्षेत्रमा लागेको एक कलाकारको भूमिकामा देखिएका छन् ।
चलचित्रमा समुन्द्रको साथमा एलिजा गौतमको मुख्य भूमिका छ । सार्वजनिक ‘तिम्रो स्वरमा’ बोलको गीतमा प्रताप दासको स्वर, सरोज पोखरेलको संगीत र सत्यराज एसआरसीको शब्द छ ।
ऋषिराज धमलाको प्रस्तुतिमा तयार भएको यो चलचित्रले सांगीतिक प्रेम कथालाई उठान गरेको छ । भरत गौतम र गीता भेटवालको लगानी रहेको चलचित्रलाई सत्यराज चौलागाइले निर्देशन गरेका हुन् । चलचित्रमा टेकेन्द्र शाहको सम्पादन, विक्रम स्वाँर र प्रविण सिंहको कोरियोग्राफी, रामकुमार केसीको छायांकन छ ।
