४ कात्तिक, महोत्तरी । पूर्व-पश्चिम राजमार्ग अन्तर्गत महोत्तरीको बर्दिवासमा शनिबार टाटासुमोको ठक्करबाट एक जनाको मृत्यु भएको छ ।
बर्दिवासबाट सर्लाहीतर्फ जाँदै गरेको ना.१ ज २९०२ नम्बरको टाटासुमोको ठक्करबाट धनुषा मिथिला नगरपालिका ८ बस्ने भैरवबहादुर हेन्जनको ज्यान गएको जिल्ला ट्राफिक प्रहरी कार्यालय बर्दिवासले जनाएको छ ।
महोत्तरीको बर्दिवास नगरपालिका-१ मा टाटासुमोले सोही दिशामा बाटो हिँडिरहेका पैदल यात्रु हेन्जनलाई ठक्कर दिदा जनाको ज्यान गएको हो ।
ठक्कर दिने टाटासुमो र चालकलाई ईलाका प्रहरी कार्यालय बर्दिवासले नियन्त्रणमा लिएको छ भने घटनाबारे आवश्यक अनुसन्धान जारी रहेको जनाइएको छ ।
