२२ कात्तिक, काठमाडौं । नेकपा (क्रान्तिकारी माओवादी) का महासचिव मोहन वैद्य ‘किरण’ले शंखधर साख्वाले थालेको मुक्ति अभियान अझै पूरा नभएको बताएका छन् । उनले यसलाई अझै सशक्त बनाउनु पर्ने आवश्यकता औंल्याए ।
‘शंखधर साख्वाःबाट उठाइएको राष्ट्रिय स्वाभिमान, राष्ट्रिय पहिचान र उत्पीडित वर्ग, जाति तथा समुदायको मुक्ति अभियान अझै पूरा भएको छैन’, नेपाल संवत् ११३९ को शुभकामना दिँदै उनले भने, ‘यसलाई अझै सशक्त रुपमा अगाडि बढाउन जरुरी छ ।’
राजा, महाराजाको वा व्यक्तिबाट नभई देशको नामबाट साख्वाले संवतको नाम राखेको भन्दै उनले यो गौरवको विषय भएको बताए ।
