३ फागुन, काठमाडौं । हिरो महिला गोल्डकपको फाइनलमा पहिलो हाफसम्म नेपाल १–१ गोलको बराबरीमा रहेको छ ।
३४ औँ मिनेटमा म्यानमारले गोल गर्दै बनाएको १–० को अग्रता नेपालकी मञ्जली योञ्जनले ४५ औँ मिनेटमा बराबरी गरेकी हुन् ।
फिफा वरियतामा म्यानमार ४४ औं स्थानमा छ भने नेपाल १०८ औं स्थानमा । आफूभन्दा ६४ स्थानमाथिको टीमसँगको खेलमा नेपालले सम्हालिएको खेल देखाइरहेको छ ।
गोल्डकपकै राउण्ड रोबिनको पहिलो खेलमा म्यानमारसँग ३–० ले हारेको नेपालले भारतलाई २–१ ले र इरानलाई ३–० ले हराएर फाइनल पुगेको थियो । फाइनल खेल जित्न सके नेपाली महिला फुटबलमा ऐतिहासिक जित हुनेछ ।
