४ फागुन, धरान । क्यामरुनी टोली डफिन्सले २१ औं बुढासुब्बा गोल्डकप फुटबलको उपाधि जितेको छ । शनिबार भएको फाइनलमा आयोजक धरान फुटबल क्लबलाई टाइब्रेकरमा ३-२ ले हराउँदै डफिन्सले उपाधि उचालेको हो ।
क्यामरुनी टोली डफिन्सले हालै मात्र पोखरा गोल्डकप फुटबलको उपाधि पनि जितेको थियो ।
धरान रंगशालामा भएको फाइनल भिडन्तको निर्धारित समयको खेल गोलरहित बराबरीमा सकिएको थियो ।
टाइब्रेकरमा डल्फिनका दुई खेलाडीको प्रहार बाहिरिएको थियो भने धरानका मिलन राई र हेमन्त थापा मगरको प्रहार डफिन्सका गोलरक्षकले बचाए भने योगेश राईको प्रहार बाहिरिएको थियो ।
उपाधिसँगै डफिन्सले ८ लाख रुपैयाँ हात पारेको छ । उपबिजेता धरानले ४ लाख रुपैयामा चित्त बुझाएको छ ।
