१९ कात्तिक, काठमाडौं । तेस्रो टी–२० क्रिकेट खेलमा घरेलु टोली न्युजिल्यान्डले इंग्ल्यान्डलाई पराजित गरेको छ ।
न्युजिल्यान्डले इंग्ल्यान्डलाई मंगलबार भएको तेस्रो खेलमा १४ रनको जित हात पारेको हो । १८१ रनको चुनौती पछ्याउँदै ब्याटिङ गरेको इंग्ल्यान्डले निर्धारित २० ओभरमा सात विकेटको क्षतिमा १६६ रन मात्रै बनाएपछि न्युजिल्यान्डले जित हात पारेको हो ।
इंग्ल्यान्डका लागि डेविड मलानले ५५ रन बनाउँदा जेम्स भिन्सले ४९ रन बनाए । बलिङतर्फ न्युजिल्यान्डका लकी फर्गुसन र ब्लाइर टिकनरले समान २–२ विकेट लिए ।
यसअघि टस जितेर पहिले ब्याटिङ गरेको न्युजिल्यान्डले निर्धारित २० ओभरमा सात विकेटको क्षतिमा १८० रन बनाएको थियो । न्युजिल्यान्डका लागि कोलिन डे ग्रान्डहोमले ५५ रन बनाउँदा मार्टिन गुप्टिलले ३३ र रोस टायलरले २७ रन बनाएका थिए ।
पाँच खेलको टी–२० क्रिकेट सिरिज न्युजिल्यान्डले २–१ को अग्रता बनाएको छ ।
