२१ फागुन, काठमाडौं । नवनियुक्त सूचना तथा प्रविधिमन्त्री डा. युवराज खतिवडाले पदभार ग्रहण गरेका छन् ।
राष्ट्रियसभा सदस्यको कार्यकाल सकिएपछि खतिवडाले मंगलबार राजीनामा दिएका थिए ।
मिर्गौला प्रत्यारोपणका लागि अस्पताल भर्ना भएका प्रधानमन्त्री केपी शर्मा ओलीले संविधानको धारा ७८ अनुसार खतिवडालाई मन्त्री नियुक्त गरेका हुन् । उनलाई अर्थसँगै सञ्चार तथा सूचना प्रविधि मन्त्रालयको पनि जिम्मेवारी दिइएको छ ।
उनले बुधबार सपथ लिनुका साथै दुबै मन्त्रालयमा पुगेर पदभार ग्रहण गरेका छन् ।
सञ्चार मन्त्रालयमा पदभार ग्रहणपछि सञ्चारकर्मीसँग कुरा गर्दै खतिवडाले संवैधानिक व्यवस्थाअनुसार दोस्रो कार्यकाल भए पनि २४ घन्टा पछाडिको निरन्तरता भएको बताए ।
आफ्नो निष्ठा, इमान्दारिता र विकासप्रतिको दृष्टिकोणलाई अगाडि बढाएर मुलुकले फड्को मार्नसक्छ भन्ने विश्वासका साथ आफ्नो पुनर्नियुक्ति भएको उनले बताए ।
अर्थ तथा सञ्चारमन्त्री खतिवडाले भने, ‘अबको मेरो कार्यकाल भनेको हामी जनसमक्ष राखेका प्रतिवद्धताहरु, नीति कार्यक्रम र बजेटमार्फत संसदमा बोलेका कुराहरु र जनअपेक्षाअनुसारका कामहरु गर्ने हो ।’
यसअघि अगाडि बढेका र पुरा नभएका कामहरु पूरा गर्न पनि लागिपर्ने उनले बताए ।
सञ्चारमन्त्रीका रुपमा प्रेससँगको सम्बन्धलाई अझ सुमधुर बनाउन प्रयास गर्ने खतिवडाले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4