११ वैशाख, सप्तरी । समाजवादी र राष्ट्रिय जनता पार्टी (राजपा) बीच एकीकरण भएर जनता समाजवादी पार्टी (जसपा) बनेपछि दुवै पार्टीका कार्यकर्ताले खुसियाली मनाएका छन् ।
पार्टी एकीकरण भएको खुसियालीमा सप्तरीका नेता/कार्यकर्ताहरुले बिहीबार साँझ दीपावली गरेका छन् । सदरमुकाम राजविराजस्थित गजेन्द्र चोकमा जसपाका कार्यकर्ताले संयुक्त रुपमा मैनबत्ती प्रज्वलन गरेका हुन् ।
जनताको अपेक्षा अनुसार एकीकरण भएकोमा आफूहरु खुशी भएको राजपा निकट विद्यार्थी संगठनका तत्कालिन राष्ट्रिय अध्यक्ष किशोर कुमार यादव ‘केसी’ ले बताए । उनले अब मधेशको मागलाई सशक्त रुपमा उठान गर्न सजिलो हुने विश्वास समेत व्यक्त गरे ।
