१७ फागुन, काठमाडौं । नेकपा ओली समूहको प्रमुख सचेतकमा नियुक्त विशाल भट्टराईको कार्यकक्ष तयार भएको छ ।
दलको प्रमुख सचेतक परिवर्तनको निर्णय जानकारीमा आएपछि तत्कालीन एमाले संसदीय दल रहेको ठाउँमा भट्टराईको कार्यकक्ष तयार गरिएको संसद सचिवालयले जनाएको छ । भट्टराईलाई गाडीसँगै ऐन अनुसारका अन्य सुविधा समेत प्रदान गरिएको छ ।
र, गुरुङलाई गाडी फिर्ता गर्नेबारे केही नभनिएको सचिवालयले जनाएको छ ।
प्रधानमन्त्री तथा दलका नेता केपी शर्मा ओलीले शुक्रबार प्रचण्ड-माधव पक्षका देव गुरुङलाई हटाएर भट्टराईलाई मुख्य सचेतकमा नियुक्त गरेका थिए ।
