भोलिबाट हल खोल्न तयार छौंः अशोक शर्मा

बिहिबारबाट काठमाडौं उपत्याका हलहरु खोल्ने दिने जिल्ला प्रशासन कार्यलयको निर्णयसँगै हल व्यवसायीहरु उत्साहित बनेका छन् । निषेधाज्ञाका कारण करिब ४ महिनासम्म बन्द रहेका हलहरु भोलीबाट सुरक्षा मापदण्ड अपनाएर खोल्ने दिने निर्णय प्रशासनले गरेको हो । योसँगै, भोलीबाट विस्तारै हल खुल्न थाल्ने चलचित्र संघले जनाएको छ ।

चलचित्र संघका महासचिव अशोक शर्माले अनलाइनखबरसँग भने–‘अब, हल नखोली त हामीसँग अरु विकल्प पनि छैन नी । अब, हल खोल्दै जाने र निर्माता, वितरकहरुसँग पनि छलफलको प्रक्रियालाई अगाडि बढाउनुपर्छ ।’

यो पनि पढ्नुहोस

भोलिबाट उपत्यकाका सिनेमा हल सञ्चालन गर्न दिने निर्णय

उनले, हल नखोल्ने हो भने यो समस्या झनै लम्बिने भन्दै दशैंसम्म चलचित्र रिलिजले पिकअप लिने आशा व्यक्त गरे । साथै, काठमाडौं बाहिरका जिल्लाहरुमा पनि हल खुलाउनका लागि पहल गर्ने अशोकको भनाई छ ।