जर्मनीको निर्वाचनमा मर्केलको पार्टी पराजित

११ असोज, काठमाडौं । जर्मनीमा भएको संघीय निर्वाचनमा सेन्टर–लेफ्ट पार्टी सोसियल डेमोक्रेट्स (एसडीपी)ले चान्सलर एन्जेला मर्केलको पार्टीलाई झिनो मतअन्तरले पराजित गरेको प्रारम्भिक नतिजाले देखाएको छ ।

बीबीसीका अनुसार एसपीडीले निर्वाचनमा २५ दशमलव ७ मत प्राप्त गरेको छ भने सत्तारुढ कन्जरभेटिभ सीडीयू÷सीएसयू ब्लकले २४ दशमलव १ प्रतिशत मत प्राप्त गरेको छ ।

ग्रिन पार्टीले १४ दशमलव ८ प्रतिशत मत पाएको छ । यो पार्टीले इतिहासमै सबैभन्दा धेरै मत पाएको हो । अब जर्मनीमा सरकार बन्न गठबन्धन हुनुपर्ने देखिएको छ । अब बन्ने नयाँ सरकारको कार्यकाल चार वर्षको हुनेछ । यसपटकको निर्वाचनमा जलवायुको मुद्दालाई प्रमुख मुद्दा बनाइएको थियो ।

एसपीडीले जर्मनीमा आफूहरुलाई जनताले राम्रो सरकार बनाउन मत दिएको बताएको छ । तर, कन्जर्भेटिभ ब्लकले भने स्पष्ट बहुमत कसैको पनि नभएकाले निर्वाचनमा कसैको पनि जित नभएको प्रतिक्रिया दिएको छ ।

एजेन्सीहरुको सहयोगमा