७ पुस, काठमाडौं । नेपाल राष्ट्र बैंकले आयातमा गरिएको कडाइ लामो समयका लागि नभएको प्रष्टीकरण दिएको छ ।
पछिल्लो समय आयात आक्रामक रुपमा बढ्दा त्यसको असर मुलुकको अर्थतन्त्रमा नकरात्मक परेको भन्दै राष्ट्र बैंकले कडाइ गरेको छ ।
राष्ट्र बैंकले आयात निरुत्साहित गर्न प्रतीतपत्र खोल्नुअघि नै तोकिएका वस्तुमा तोकिएको दरमा अनिवार्य नगद जम्मा गर्नुपर्ने नयाँ नीतिगत प्रबन्ध गरेको थियो ।
बुधबार आर्थिक पत्रकारहरुसँगको छलफलमा राष्ट्र बैंकले आयतमा गरिएको कडाइबारे प्रष्टीकरण दिँदै यो नीति लामो समयका लागि नभएको बताएको हो ।
राष्ट्र बैंकका विभागीय प्रमुख रामु पौडेलले बैंकिङ क्षेत्रमा लगानी योग्य रकम (तरलता) को अभाव रहेको र विदेशी विनिमय सञ्चिति धेरै घटेकाले यस्तो व्यवस्था गरिएको बताए । उनले अर्थतन्त्र सहज हुने वित्तिकै नीति फिर्ता हुनसक्ने बताएका छन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
प्रतिक्रिया 4