२३ पुस, काठमाडौं । स्पानिस क्लब बार्सिलोनाका फिलिप काउटिन्हो प्रिमियर लिगमा फर्केका छन् । काउटिन्होले प्रिमियर लिग क्लब एस्टन भिल्लाबाट लोनमा खेल्ने भएका छन् ।
उनले सिजनको बाँकी अवधि एस्टन भिल्लाबाट खेल्ने विषयमा सहमति भएको एस्टन भिल्ला र बार्सिलोनाले जनाएको छ । त्यस विषयमा दुवै टोली सहमतिमा पुगेका छन् ।
अब काउटिन्होले अर्को ४८ घण्टामा मेडिकल टेस्ट हुनेछ ।
सन् २०१८ मा प्रिमियर लिग क्लब लिभरपुलबाट काउटिन्हो बार्सिलोना गएका थिए । तर उनले त्यहाँ सोचे अनुसार प्रदर्शन गर्न सकेनन् । ३ वर्षपछि काउटिन्हो प्रिमियर लिगमा फर्कँदा उनका पुराना सहकर्मी स्टेभेन जेरार्ड एस्टन भिल्लाका व्यवस्थापक छन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4