शिवरात्रिमा सूर्या लाइफको निःशुल्क स्वास्थ्य शिविर

काठमाडौं । सूर्या लाइफ इन्स्योरेन्सले शिवरात्रिको अवसरमा भक्तजनलाई लक्षित गरी पशुपति क्षेत्रमा निःशुल्क स्वास्थ्य शिविर सञ्चालन गरेको छ । इन्स्योरेन्सले हेल्थ सर्भिस नेपालसँगको सहकार्यमा शिविर सञ्चालन गरेको हो ।

शिविरबाट भक्तजनहरुलाई एम्बुलेन्ससहितको आकस्मिक स्वास्थ सेवा प्रदान गर्नुको साथै निःशुल्क दन्त परीक्षण, स्वास्थ परीक्षणसँगै औषधि वितरण समेत भएको थियो ।

हेल्थ सर्भिस नेपालका ३० जना स्वस्थ सेवाकर्मीको सहयोगमा सञ्चालन गरिएको उक्त शिविरमा पानी र जुस वितरण गर्नुका साथै नेपाल रेडक्रस सोसाइटीको सहकार्यमा रक्तदान कार्यक्रम पनि सञ्चालन गरिएको थियो ।