९ वैशाख, दाङ । नेकपा एमाले घोराही उपमहानगर कमिटीले स्थानीय तह निर्वाचनको संकल्प पत्र सार्वजनिक गरेको छ ।
नेकपा एमाले पोलिटव्युरो सदस्य नरुलाल चौधरीले आसन्न स्थानीय तह निर्वाचनको लागि पार्टीको तर्फबाट संकल्प पत्र सार्वजनिक गरेका हुन् ।
‘हाम्रो प्रतिवद्धता शिक्षा, स्वास्थ्य, रोजगार र पूर्वाधार, समुन्नत, सीप र सुशानयुक्त घोराही नगर’ नारासहित एमालेले घोराहीको संकल्प पत्र सार्वजनिक गरेको हो । स्थानीय तह निर्वाचनमार्फत घोराही उपमहानगरलाई समृद्ध बनाउन अघि बढ्ने संकल्प पत्रमा उल्लेख गरिएको छ ।
त्यस्तै शिक्षा, स्वास्थ्य, खेलकुद, कृषि, उद्योग, आर्थिक विकास, उद्यमशीलता, पूर्वाधारको विकाससँगै वन वातावरण संरक्षणमा ध्यान दिँदै घोराही उपमहानगरलाई समृद्ध बनाउने लगायत विषय संकल्प पत्रमा उल्लेख गरिएको छ ।
संकल्प पत्रमा आर्थिक विकासलाई प्रमुखतामा राख्दै कृषि, सिचाई, पशुपछी पालन, पर्यटन र सहकारीको क्षेत्रमा काम गर्ने भनिएको छ भने सामाजिक विकास तर्फ शिक्षा, स्वास्थ्य र पोषण, खानेपानी लगायत विषयलाई प्रथामिकतामा राखिएको छ ।
त्यस्तै भौतिक पूर्वाधार तर्फ ग्रामिण क्षेत्रमा सडक विस्तार तथा कालोपत्रे गर्ने र सरसफाई व्यवस्थापन तथा पर्यावरणका क्षेत्रमा काम गर्ने उल्लेख गरिएको छ ।
प्रतिक्रिया 4