गोरखाको आरुघाट गाउँपालिकामा कांग्रेस निर्वाचित

२ जेठ, गोरखा । गोरखाको आरुघाट गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार निर्वाचित भएका छन् । अध्यक्षमा राजु गुरुङ र उपाध्यक्षमा कल्पना नेपाली निर्वाचित भएका हुन् ।

गुरुङले ५ हजार ५५६ मत ल्याएका छन् । उनका प्रतिस्पर्धी नेकपा एमालेका कृष्ण बहादुर नेपालीले ४ हजार ८३३ मत ल्याए ।

त्यस्तै उपाध्यक्षमा निर्वाचित कांग्रेसकी नेपालीले ५ हजार ६३१ प्राप्त गरेकी छन् । उनका प्रतिस्पर्धी एमालेकी उम्मेदवार सिता दाहालले ३ हजार ८१६ मत प्राप्त गरिन् । नेपाली २०७४ सालको स्थानीय तह निर्वाचनमा पनि उपाध्यक्षमा निर्वाचित भएकी थिइन् ।