+
+

तीन महिनादेखि थुनामा रहेको कुकुरले भेट्टायो मालिक

अनलाइनखबर अनलाइनखबर
२०७९ असार ९ गते १६:५६

९ असार, काठमाडौं । तीन महिनादेखि डिभिजन वन कार्यालय मुगुको नियन्त्रणमा रहेको कुकुरले मालिक भेट्टाएको छ । गत चैत १४ मा घोरल चोरी शिकारीको आरोपमा मालिकसँगै कुकुरलाई प्रहरीले नियन्त्रणमा लिएको थियो ।

बुधबार कुकुरका मालिक च्याम्पा तामाङ सम्पर्कमा आएपछि वन कार्यालयले कुकुरलाई बिहीबार बिहान उनको जिम्मा लगाएको हो ।

मुगुको कार्मारोङ गाउँपालिका-१ चितैका च्याम्पा तामाङ, उनका छोरा दावाछोर्देन, टासी र छिमेक लामा पक्राउ परेका थिए । उनीहरुको साथमा कुकुर पनि थियो । जेठ १२ मा जिल्ला अदालतको आदेशबाट च्याम्पा र दावाछोर्देन ७० हजार रुपैयाँ धरौटीमा रिहा भएका थिए भने टासी र छिमेक साधारण तारेखमा छुटेका थिए ।

उनीहरु छुटे पनि कुकुरका विषयमा अदालतले केही नभनेपछि वन कार्यालयले कुकुरलाई थुनेर राखेको थियो । धरौटीमा छुटेका च्याम्पाले लिन नआएपछि कुकुर तीन महिनादेखि वन कार्यालयमै रहेको थियो ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?