९ असोज, काठमाडौं । सरकारले सञ्चालनमा ल्याउने भनी घोषणा गरेको सम्पदा मार्गमा पर्ने सम्पदाहरुको पुनर्निर्माण सुरु गरिएको छ । हनुमानढोकादेखि स्वयम्भु विश्व सम्पदा पदमार्ग भित्र गर्ने सम्पदाहरुको पुनर्स्थापना अभियानको आइतबार संस्कृति, पर्यटन तथा नागरिक उड्डयन मन्त्री जीवनराम श्रेष्ठले शुभारम्भ गरे ।
यस अभियानअन्तर्गत २.२ किलामिटर भित्रका सम्पदा पुनर्स्थापना गरिने भएको छ । यी सम्पदाहरुलाई पुरानै शैलीमा पुनर्स्थापना गरिने मन्त्रालयले जनाएको छ ।
सम्पदा मार्गले सांस्कृतिक, सम्पदा झल्काउने, जन्मदेखि मृत्युसम्मका संस्कार हेर्न सकिने मन्त्री श्रेष्ठले जानकारी दिए । यसले पुराना सीप, शैली, पेशा व्यवसायलाई पुनर्स्थापित गरी रोजगारी सिर्जनामा समेत योगदान दिने उनको भनाइ छ ।
प्रतिक्रिया 4