+
+

३६ खेलसम्म अपराजित अर्जेन्टिना, कीर्तिमान बराबरी गर्न एक खेल टाढा

अनलाइनखबर अनलाइनखबर
२०७९ मंसिर १ गते ७:५८

१ पुस, काठमाडौं । अर्जेन्टिनाले कतार विश्वकपअघि बुधबार राति भएको मैत्रीपूर्ण खेलमा यूएईलाई ५-० ले पराजित गरेको छ ।

अबुधाबीमा भएको खेलमा सहज जितसँगै अर्जेन्टिनाले अन्तर्राष्ट्रिय फुटबलमा अपराजित यात्रालाई ३६ खेलसम्म पुर्‍याएको छ ।

अब लगातार ३७ खेलसम्म अपराजित रहेको इटलीको कीर्तिमान बराबरी गर्नबाट अर्जन्टिना एक खेल टाढा छ ।

सन् २०१९ को कोपा अमेरिका सेमिफाइनलमा ब्राजिलसँग पराजित भएयता अर्जेन्टिनाले हार बेहोरेको छैन ।

कतारमा आइतबार सुरु हुने विश्वकपअघि अभ्यासको रुपमा खेलिएको खेलमा अर्जेन्टिनालाई जिताउन एन्जल डि मारिया र कप्तान लिओनल मेसीले उत्कृष्ट प्रदर्शन गरे ।

डि मारियाले दुई गोल गरे भने मेसीसहित जुलियन अल्भारेज र जाक्विन कोरेअले समान एक गोल गरे ।

अर्जेन्टिनाले पहिलो हाफमै चार गोल गरेको थियो भने दोस्रो हाफमा एक गोल थपेको हो ।

कतार विश्वकपमा समूह सी मा रहेको अर्जेन्टिनाले नोभेम्बर २२ मा साउदी अरेबियासँग पहिलो खेल खेल्नेछ । यस समूहमा मेक्सिको र पोल्याण्ड पनि छन् ।

अन्य मैत्रीपूर्ण खेलमा जर्मनीले ओमानलाई १-० ले, पोल्याण्डल चिलीलाई १-0 र क्रोएसियाले साउदी अरेबियालाई १-० ले नै पराजित गरेको छ । विश्वकप खेल्ने तयारीमा रहेको रहेको मेक्सिको भने विश्वकपमा छनोट नभएको स्वीडेनसँग २-१ ले पराजित भयो ।

यस्तै विश्वकपमा छनोट हुन असफल रहेको इटलीले अल्बानियालाई ३-१ ले हरायो ।

Results

२०८० माघ १८, बिहीबार
2 - 1
२०८० माघ १७, बुधबार
1 - 0
२०८० माघ १६, मंगलबार
1 - 0
२०८० माघ १५, सोमबार
1 - 1
२०८० माघ १४, आइतबार
0 - 3
२०८० माघ १३, शनिबार
0 - 2
२०८० माघ १२, शुक्रबार
2 - 0
२०८० माघ ११, बिहीबार
0 - 1
२०८० माघ १०, बुधबार
0 - 1
२०८० माघ ९, मंगलबार
1 - 2
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?