+
+

विश्वकपमा डेब्यू गोल गरे पनि क्यानडा समूह चरणबाट बाहिर

क्रोएसियाको पुनरागमन जित

अनलाइनखबर अनलाइनखबर
२०७९ मंसिर १२ गते १:१६

१२ मंसिर, काठमाडौं । क्यानडा कतारमा जारी फिफा विश्वकप फुटबल २०२२ को समूह चरणबाटै बाहिरिने दोस्रो टिम बनेको छ ।

आइतबार खालिफा अन्तर्राष्ट्रिय रंगशालमा विश्वकपको डेब्यू गोल गर्दै क्रोएसियाविरुद्ध लिएको अग्रता जोगाउन नसक्दा क्यानडा ४-१ ले पराजित भयो ।

पहिलो खेलमा बेल्जियमसँग पराजित भएको क्यानडा लगातार दोस्रो हारपछि अंकविहीन छ ।

क्रामारिचको दुई गोल

पहिलो खेलमा मोरक्कोसँग गोलरहित बराबरी खेलेपछि दवावमा परेको साविक उपविजेता क्रोएसियाले एक गोलले पछि परेको अवस्था उल्टाउँदै जित निकाल्दा आन्द्रे क्रामारिचले दुई गोल गरे ।

खेलको दोस्रो मिनेटमै क्यानडाका अल्पोन्सो डेभिसको गोलबाट क्रोएसिया पछि परेको थियो । तर, क्रामारिकले इभान पेरिसिचको पासमा ३६ औं मिनेटमा बराबरी गोल फर्काए ।

५५औं मिनेटमा मार्कोलिभाजाले जुरानोभितको पासमा गोल गर्दै क्रोएसियालाई पहिलो हाफमै २-१ को अग्रता दिलाए ।

दोस्रो हाफमा क्रोएसियाले थप दुई गोल गर्‍यो । क्रामारिचले ७०औं मिनेटमा पेरिसिचकै पासमा व्यक्तिगत दोस्रो गोल गरे । इन्जुरी टाइममा लोभरो मेजरले माटेओ कोभासिसको पासमा गोल गर्द क्रोएसियालाई ४-१ को जित दिलाए ।

क्रोएसिया सहज स्थितिमा, बेल्जियमलाई कठिन

पहिलो खेलमा गोल गर्न नसकेको क्रोएसिया दोस्रो खेलमा जितपछि समूह एफमा दुई खेलबाट ४ अंक जोडेर शीर्ष स्थानमा उक्लेको छ । क्रोएसिया अन्तिम १६ मा पुग्नका लागि सहज अवस्थामा समेत छ ।

क्रोएसियाले अब अन्तिम खेलमा बेल्जियमसँग खेल्नेछ । उक्त खेलमा हार टारे मात्र पनि क्रोएसियाले अन्तिम १६ मा स्थान बनाउनेछ । आइतबारै भएको खेलमा मोरक्कोसँग २-० ले पराजित भएको बेल्जियमको दुई खेलबाट ३ अंक छ र तेस्रो स्थानमा झरेको छ ।

क्रोएसियाको जितपछि बेल्जियमलाई अन्तिम १६ मा पुग्न पनि कठिन हुने देखिएको छ । बेल्जियमले अब आफ्नो खेल जित्नुका साथै अन्य टिमको नतिजामा पनि भर पर्नुपर्नेछ । क्रोएसियासँग पराजित भए बेल्जियम समूह चरणबाटै बाहिरिनेछ ।

उता मोरक्को भने क्रोएसिया समान ४ अंक जोडेर दोस्रो स्थानमा छ । यदी क्रोएसिया र बेल्जियमले बराबरी खेलेमा मोरक्को पनि क्यानडासँग हार टार्ने अन्तिम १६ मा पुग्नेछ ।

डेब्यू गोलका बाबजुद विश्वकपबाट आउट

क्यानडाको लागि आइतबारको दिन मिश्रित रह्यो । विश्वकपमा डेब्यू गोल गरेको क्यानडा त्यही खेलपछि नै विश्वकपबाट बाहिरियो ।

यसअघि आयोजक कतार घरेलु मैदानमै लगातार दुई खेल हार्दै समूह चरणबाट बाहिरिने पहिलो टिम बनिसकेको छ ।

विश्वकपका क्यानडा लागि पहिलो गोल गर्दे कीर्तिमान बनाएका अल्फोन्सो डेभिसले जारी विश्वकपमा सबैभन्दा छिटो गोल गरे । उनले ताजोन बुचानानको पासमा खेल सुरु भएको ६८ सेकेण्डमै हेडमार्फत गोल गरेका थिए ।

दोस्रो पटक विश्वकप खेलिरहेको क्यानडा पहिलो खेलमा बेल्जियमसँग १-० ले पराजित हुँदा डेभिसले डेभिसले नै पेनाल्टी गुमाएका थिए ।

सन् २००० मा घाना शरणार्थी शिविरमा जन्मेर ५ वर्षको हुँदा क्यानडा पुगेका डेभिसले क्यानडाका लागि विश्वकपमा पहिलो गोल गर्ने इतिहाससमेत रचे ।

क्यानडाले विश्वकपमा गोल खाता खोले पनि अहिलेसम्म जितविहीन छ । उसले विश्वकपमा एक अंक पनि जाेड्न सकेकाे छैन ।

सन् १९८६ मा पहिलो पटक विश्वकप खेल्दा क्यानडा समूहको तीनवटै खेल हार्दै बाहिरिएको थियो । उक्त विश्वकपमा फ्रान्स, शोभियत रुस र हंगेरीसँग क्यानडा पराजित भएको थियो ।

क्यानडाले जारी विश्कपमा अन्तिम खेल मोरक्कोसँग खेल्नेछ ।

Results

२०८० माघ १८, बिहीबार
2 - 1
२०८० माघ १७, बुधबार
1 - 0
२०८० माघ १६, मंगलबार
1 - 0
२०८० माघ १५, सोमबार
1 - 1
२०८० माघ १४, आइतबार
0 - 3
२०८० माघ १३, शनिबार
0 - 2
२०८० माघ १२, शुक्रबार
2 - 0
२०८० माघ ११, बिहीबार
0 - 1
२०८० माघ १०, बुधबार
0 - 1
२०८० माघ ९, मंगलबार
1 - 2
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?