१४ वैशाख, काठमाडौं। पोर्चुगल पठाइदिन्छु भनी रकम ठगी गरेको आरोपमा प्रहरीले दुई जनालाई पक्राउ गरेको छ ।
पक्राउ पर्नेमा गोरखाको घ्यालचोक गाउँपालिका-८ घर भई ललितपुर गोदावरी नगरपालिका-१४ बस्ने ५१ वर्षीय दुर्गाबहादुर रेग्मी र गोरखा घ्यालचोककै ४५ वर्षीया कमला रेग्मी पक्राउ परेका छन् ।
उनीहरुलाई उपत्यका अपराध अनुसन्धान कार्यालयको टोलीले ललितपुर गोदावरीबाट पक्राउ गरेको हो ।
पक्राउ परेका उनीहरुलाई थप अनुसन्धान तथा कारबाहीका लागि वैदेशिक रोजगार विभाग बुद्धनगर पठाइएको प्रहरीले जनाएको छ ।
उनीहरुले पीडितहरुबाट पटक पटक गरी २१ लाख रुपैया रकम ठगी गरी सम्पर्कविहीन भएको प्रहरीको आरोप छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4