केरलको कोचीमा बम विस्फोट, एक जनाको मृत्यु

१२ कात्तिक, काठमाडौं । भारतीय राज्य केरलको कोची सहरमा भएको श्रृखलावद्ध बम विस्फोटमा एक जनाको मृत्यु भएको छ भने २५ भन्दा बढी घाइते भएका छन् ।

जमरा इन्टरनेशनल कन्भेन्सन सेन्टरमा तीन दिनदेखि इसाय समुदाय येहोवा विटनेसको कार्यक्रम चलिरहेको थियो ।

हजारभन्दा बढी मानिस सहभागी कार्यक्रम चलिरहेको बेला विस्फोट भएपछि भागदौड मच्चिएको थियो ।

घाइतेहरुको कलामेसरी मेडिकल कलेजमा उपचार भइरहेको भारतीय सञ्चार माध्यमहरुले जनाएका छन् ।

केरलका मुख्यमन्त्री पी विजयनले यो घटनालाई गम्भिरतापूर्वक लिएर छानबिन गर्ने बताएका छन् ।